Авыл 18 ноябрь 2018 09:35

Чирмешәндә референдумны “Чиста сайлау өчен корпус” иҗтимагый хәрәкәте вәкилләре күзәтә

Бүген районда үзара салым буенча референдум 34 сайлау участогында үткәрелә.

Скопировать ссылку

(Чирмешән, 18 ноябрь, “Татар-информ“, “Безнең Чирмешән“). Чирмешән районында үзара салым буенча референдумда Бөтенроссия “Чиста сайлау өчен корпус” иҗтимагый хәрәкәтеннән күзәтүчеләр катнаша. Бу хакта "Безнең Чирмешән" газетасы хәбәр итә.

Референдум районның 34 сайлау участогында үткәрелә. Тавыш бирү участоклары барысы да 7.00 сәгатьтә ачылды, комиссияләр эшкә кереште.

"Участокларда кичке сигезгә кадәр тавыш бирергә була, үзең белән паспорт алып килергә кирәк, - ди район территориаль сайлау комиссиясе рәисе Рамил Әхмәдуллин. – Референдум уңаеннан сораулар туса, безнең комиссиягә 2-53-07 телефоны буенча шалтыратырга мөмкин".

Чирмешән районында референдумда катнашучылар исемлегендә 14 мең 748 кеше теркәлгән.

Күпчелек җирлекләрдә үзара салым бер кешедән 500 сум күләмендә билгеләнгән.

#чирмешән #сайлаулар #референдум #үзара салым

Сәхифәләр

Чирмешәндә референдумны “Чиста сайлау өчен корпус” иҗтимагый хәрәкәте вәкилләре күзәтә