Чирмешәндә музыкантлар ярышты
Әлеге бәйгедә җиңүчеләрне балалар һәм өлкәннәр арасында өч номинациядә билгелиләр.
(Чирмешән, 20 февраль, “Татар-информ“, “Безнең Чирмешән“, Гөлсирә Шәрифуллина). Район мәдәният йортында узган “Аһәңле Татарстан” (“Многозвучный Татарстан”) традицион музыка уен коралларында башкаручыларның республика фестиваль – бәйгенең зона туры узды. Бу турыда җирле басма хәбәр итә.
Анда Алексеевск, Әлки, Яңа Чишмә, Чистай, Чирмешән районнары вәкилләре үз осталыкларын күрсәттеләр.
Бу сәнгать бәйгесендә районнан Иске Үтәмеш мәдәният йорты каршындагы “Хыял”, Яңа Элмәледән “Лейся, песня!” фольклор коллективлары һәм район мәдәният йортыннан Илһам Мортазин белән Антон Семкичев дуэты чыгыш ясадылар.
Әлеге бәйгедә җиңүчеләрне балалар һәм өлкәннәр арасында өч номинациядә (аерым башкаручылар, кече ансамбльләр һәм зур ансамбльләр) билгелиләр, алар зона турлары узгач билгеле була.