Чирмешәндә «Лада» машинасы юл читенә төшеп капланган
Авария Лениногорск – Чирмешән трассасының 13нче чакрымында килеп чыккан.
Скопировать ссылку
(Казан, 17 июнь, «Татар-информ»). Чирмешән районында 9нчы модель «Лада» машинасы юл читенә төшеп киткән һәм әйләнеп капланган, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.
Лениногорск – Чирмешән трассасының 13нче чакрымында «Лада Самара» автомобилен йөртүче 59 яшьлек ир-ат, идарәсен югалтып, юл читенә очкан.
Нәтиҗәдә, ир-атның башы җәрәхәтләнгән. Табиблар аңа беренче медицина ярдәме күрсәткәннән соң, өенә кайтарып җибәргән.
