Дин 10 май 2017 07:00

Чирмешәндәге икенче мәчет төзелешендә эш дәвам итә

Чирмешәндәге икенче мәчет Әмир егетләре – бертуган Әгъләмовлар акчасына төзелә.

Скопировать ссылку

(Чирмешән, 10 май, "Татар-информ", "Безнең Чирмешән", Кадыйр Гомәров). Чирмешәндәге икенче мәчет төзелешендә эш тукталмый. Чирмешәнннең Амур ягында төзелүче, инде манаралары, ишек-тәрәзәләре дә куелган мәчеттә эчке эшләр дәвам итә, дип яза җирле басма.

Лашманнан килеп йөрүче осталар подвал өлешендә идәнгә измә җәяләр, төп залда тәрәзә яңакларын ясыйлар, түбәне эчтән тышларга керешәләр. Стеналарны штукатурлау да тукталмый.

Булачак мәчеттә электр, җылылык челтәрләре ясыйлар. Билгеле, башкарасы эшләр бик күп әле, бинаның эчен яхшы материаллардан бизәкләп ясау, билгеле, ашыкканны яратмый.

Мәгълүм булганча, әлеге, Чирмешәндәге икенче мәчет Әмир егетләре – бертуган Әгъләмовлар акчасына төзелә. Тирә-юньне исә район, халык көче белән төзекләндерәчәкләр

#Безнең Чирмешән

Сәхифәләр

Чирмешәндәге икенче мәчет төзелешендә эш дәвам итә