Дин 18 март 2018 03:00

Чирмешәндә эшмәкәрләр төзеткән Мөшбикә мәчете ачылырга тиеш

Чирмешәннең Амур ягында төзелүче Мөшбикә мәчетендә эчке якта бизәкләү эшләре дәвам итә.

Скопировать ссылку

(Чирмешән, 18 март, “Татар-информ“, “Безнең Чирмешән“, Кадыйр Гомәров). Чирмешәндә эшмәкәрләр төзеткән Мөшбикә мәчете ачылырга тиеш. Чирмешәннең Амур ягында төзелүче Мөшбикә мәчетендә эчке якта бизәкләү эшләре дәвам итә, дип яза җирле басма.

Бүген монда идәннәргә плитә җәю төгәлләнү ягында. Озакламый түбәгә рәсем төшерә башлыйлар.

Булачак дин йорты территориясенең коймаларын, капкаларын да куйганнар, алар нык һәм матур итеп, тимердән эшләнгән. Җылыту системасы да хәрәкәткә җибәрелгән. Гомумән, күпчелек эш башкарылган.

Ходай язса, мәчетне төзетүче бертуган Әгъләмовлар әйтүенчә ике манаралы, күркәм бу изге йортны быел ук ачу планлаштырыла.

Мәчет төзетүче Миндар һәм Фазыйл Әгъләмовлар – Әмир авылы егетләре, Сургутта эш йөртүче эшмәкәрләр.

Бүген Чирмешән районында 23 мәчет бар, район үзәгендә бер мәчет эшли, Иске Кадида – ике.

#Безнең Чирмешән

Сәхифәләр

Чирмешәндә эшмәкәрләр төзеткән Мөшбикә мәчете ачылырга тиеш