Чирмешәндә эшләнгән җил тегермәнен ярминкәдә сатып алырга теләгәннәр
Тегермән хәзер туган як тарихы музеенда урын алды.
(Чирмешән, 11 август, "Татар-информ", "Безнең Чирмешән", Марат Гомәров).Чирмешәндә яшәүче Сәлимҗан Гамиров эшләгән җил тегермәнен Алабугада ярминкәдә сатып алырга теләгәннәр. Бу турыда район басмасы хәбәр итә.
Алабуга шәһәрендә узган Бөтенроссия Спас ярминкәсендә район ветераннар (пенсионерлар) советы вәкиле белән берлектә туган як тарихы музее рәссамы та үз эшләнмәләре белән катнашты.
Ул анда картиналарын, агачтан уеп, кырып ясаган эшләрен - кечкенә ат арбалары, чаналар алып барган. Ярминкә кунаклары Сәлимҗан Гамировның күптән түгел ясаган кечкенә җил тегермәненә дә кызыкканнар, хәтта сатып алмакчы да булганнар.
Тик оста иҗат җимешеннән аерылырга теләмәгән, тегермән хәзер туган як тарихы музеенда урын алды.