Спорт 22 ноябрь 2018 23:00

Чирмешәндә чаңгы базасы декабрьдә эшли башлаячак

Быел чаңгыда шуарга яратучыларга әлеге спорт төре белән шөгыльләнергә бөтен мөмкинлекләр дә булачак.

Скопировать ссылку

(Чирмешән, 22 ноябрь, “Татар-информ“, “Безнең Чирмешән“, Гөлсирә Шәрифуллина). Чирмешән стадионында быел җәй төзелгән “Җиде тирәк” чаңгы базасы декабрь аенда эшли башларга тиеш. Бу турыда җирле басма хәбәр итә.

120 квадрат метр мәйданны биләгән бу базада барлык уңайлыклар да тудырылган: ир-атлар һәм хатын-кызлар өчен аерым киенү-чишенү, хәтта душ бүлмәләре дә ясалган.
7 миллион сумлык модульле базада чаңгылар да бар.

"Төрле зурлыкта, ботинкалары белән 100 пар чаңгы кайтты. Базада көн саен, дүшәмбедән тыш, иртәнге сәгать 10 нан кичке 9 га кадәр чаңгыларны прокатка алырга мөмкин булачак, - диде “Чирмешән” физкультура-сәламәтләндерү комплексы директоры Камил Назыйров.

#Безнең Чирмешән

Сәхифәләр

Чирмешәндә чаңгы базасы декабрьдә эшли башлаячак