Спорт 8 март 2017 22:01

Чирмешәндә бокс буенча турнирга әзерләнәләр

Турнирда 9 яшьлек малайлардан алып, 20 яшькәчә булган ир-егетләр һәм 11-16 яшьлек кызлар ярыша.

Скопировать ссылку

(Чирмешән, 8 март, “Татар-информ“, “Безнең Чирмешән“, Марат Гомәров). Ярышлар район үзәгендәге балалар һәм яшүсмерләр спорт мәктәбе бинасында 11 мартта башланып, 12 мартта төгәлләнәчәк. Бәйгене ачу тантанасы шимбә көнгә, 13.00 сәгатькә билгеләнгән. Шуннан соң ук яшь бокчылар рингка чыгачак, дип яза районның "Безнең Чирмешән" газетасы.

Төмәннән генә түгел, бездә узачак 3 нче ачык бокс турнирына Ульяновскидан, Самарадан, Татарстан шәһәр һәм районнардан дистәләрчә яшь спортчы килергә тиеш. Рингта хәтта кызлар да йодрыкларын эшкә җигәчәк.

Турнирда 9 яшьлек малайлардан алып, 20 яшькәчә булган ир-егетләр һәм 11-16 яшьлек кызлар ярыша. Безнең район данын исә анда балалар һәм яшүсмерләр мәктәбенең Ивашино авылындагы, район үзәгенең кадетлар мәктәп-интернатында һәм беренче мәктәптәбендәге секцияләрендә шөгыльләнүче укучылар яклаячак, диелә район хәбәрендә.

#Безнең Чирмешән

Сәхифәләр

Чирмешәндә бокс буенча турнирга әзерләнәләр