Чирмешәндә “Ашыгыч хезмәт”нең 40 еллыгын билгеләп үттеләр
Хастаханәнең баш табибы Лилия Мортазина “Ашыгыч ярдәм” коллективына район үзәк хастаханәсенең Мактау грамотасын тапшырды.
(Чирмешән, 5 февраль, “Татар-информ“, “Безнең Чирмешән“, Кадрия Гамирова). Чирмешәндә “Ашыгыч хезмәт”нең 40 еллыгын билгеләп үттеләр. Ул 1979 елның нәкъ 1 нче февралендә оешкан. Бу турыда җирле басма хәбәр итте.
“Ашыгыч ярдәм” фельдшерлары тәүлек әйләнәсе халык сәламәтлеге сагында. Алар үз эшләренә тугрылыклы. Дилә Шәрәфетдинова, Римма Андреева, Надежда Кузина 30 ел кешеләргә ярдәмгә ашыга, иң кирәк вакытта беренче ярдәм күрсәтәләр. Таһир Галимов, Әюп Гыйльфановлар 15 ел “Ашыгыч ярдәм” машинасы руле артында.
Әлеге хезмәт эшчеләрен район үзәк хастаханәсенең актлар залына чакырып котладылар. Хастаханәнең баш табибы Лилия Мортазина “Ашыгыч ярдәм” коллективына район үзәк хастаханәсенең Мактау грамотасын тапшырды.