Җәмгыять 3 ноябрь 2018 02:00

Чирмешәндә 61 кеше этнографик диктант язды

Егерме сорау барысы өчен дә уртак булса, унысы Татарстанга кагылышлы иде.

Скопировать ссылку

(Чирмешән, 3 ноябрь, “Татар-информ“, “Безнең Чирмешән“, Гөлсирә Шәрифуллина).Чирмешәндәге үзәк китапханәдә узган “Зур этнографик диктант” Бөтенроссия акциясендә 61 кеше катнашты. Алар арасында пенсионерлар да, мәктәп укучылары да бар иде. Бу турыда район басмасы яза.

Түбән Чегодай авыл китапханәчесе Разыя Фәсхетдинова: "Минемчә, быел сораулар кызыграк булды. Республикада яшәүче халыкларга кагылышлы сораулар булуы да бик әйбәт. Мондый чаралар кирәк шул, алар эзләнергә, укырга, белемне арттырырга этәрә", - диде.

Диктант биремнәре утыз сораудан тора. Егерме сорау барысы өчен дә уртак булса, унысы Татарстанга кагылышлы иде. Җавап язу өчен 45 минут вакыт каралган. Барлык биремнәрне үтәгән өчен максималь утыз балл бирелергә мөмкин.

Этнографик диктантның җаваплары 10 ноябрьдә www.miretno.ru сайтында бастыралачак.

#Безнең Чирмешән

Сәхифәләр

Чирмешәндә 61 кеше этнографик диктант язды