Спорт 27 июнь 2018 04:00

Чирмешән Сабан туенда шахматчылар төп бүләкләрне читкә җибәрмәгән

Быел да район Сабан туе көнне мәйданда шахматчылар көч сынашты.

Скопировать ссылку

(Казан, 27 июнь, "Татар-информ", "Безнең Чирмешән", Кадыйр Гомәров). Чирмешән Сабан туенда шахматчылар төп бүләкләрне читкә җибәрмәгән. Быел да район Сабан туе көнне мәйданда шахматчылар көч сынашты, дип хәбәр итә район газетасы.

Иң кечкенәләрдән, 1-4 сыйныф укучылары – малайлар арасында Чирмешән лицеенда укучы Равиль Гайнуллин беренче булды, ә кызлардан Нурия Габдуллина (аксубай). 5-8 сыйныфтагылардан, малайлар группасында Лашман мәктәбеннән – Ислам Сафиуллин, кызлар арасында Вероника Захарова (Яңа Элмәле мәктәбе укучысы) иң күп очко җыйдылар.

9-11 сыйныфларда укучылардан җиңүчеләр: Людмила Редюкова (Яңа Элмәле мәктәбе, кызлар); Айдар Могыйзов (Чирмешән лицее, егетләр).

Иске Кадида яшәүче 71 яшьлек Римма Баянова хатын-кызлар арасында беренчелекне бирмәде, Әккәрәйдән, студент Леонид Калугин ирләр төркемендә иң алга чыкты.

-Быел безгә башка шәһәр һәм районнардан килүчеләр дә күп иде, - ди ярышның баш хөкемдары Шамил Сөнчәләев. -Алай да якташларыбыз төп бүләкләрне үзебездә калдырдылар, оста уйнадылар.

#шахмат

Сәхифәләр

Чирмешән Сабан туенда шахматчылар төп бүләкләрне читкә җибәрмәгән