Чирмешән районының Яшәүче авылында балалар мәйданчыгы урнаштырганнар
Яшәүче авылы клубы ишегалды балалар тавышына күмелде, араларында шәһәрдән кайтучылар аеруча күп.
Скопировать ссылку
(Чирмешән, 15 июль, “Татар-информ“, “Безнең Чирмешән“, Марат Гомәров). Чирмешән районының Яшәүче авылында балалар мәйданчыгы урнаштырганнар. Бу турыда җирле басма хәбәр итә.
Биредә атынгычы, кәмите, шуып төшә торган күтәрмәсе булган балалар мәйданчыгы урнаштырдылар. Аны, авыл имамы Фаил Мортазин үтенече белән, район башлыгы Фердинат Дәүләтшин юллап биргән. Хәзер мәйданчыкның кайбер җиһазларын урнаштырып бетерәсе бар.
Яшәүче авылы клубы ишегалды балалар тавышына күмелде, араларында шәһәрдән кайтучылар аеруча күп.