Җәмгыять 22 март 2017 08:00

Чирмешән районының Туймәт авылына Нәүрүзбикә килә

Быел әлеге чара 21 март көнне Чирмешән районы Туймәт авылында узачак.

Скопировать ссылку

(Чирмешән, 22 март, “Татар-информ“, “Безнең Чирмешән“). Районда Нәүрүз бәйрәмен билгеләп үтү матур традициягә әйләнде. Быел әлеге чараны 21 март көнне Чирмешән районы Туймәт авылында уздырачаклар, дип яза район басмасы.

"Нәүрүз” сүзе фарсыча "яңа көн” дигәнне аңлата. Урта Азиядә, Иранда, Әфганстанда һәм кайбер башка илләрдә бик борынгыдан килгән Яңа елны каршылау бәйрәме ул. Нәүрүз көн белән төн тигезләшкән чорга – 21-22 мартка туры килә.

XIX гасырда Нәүрүз көннәрендә (ул берәр атнага, ун көнгә сузылган) йорттан-йортка кереп "нәүрүз әйтеп” йөрү гадәте булган. Моны укучы балалар башкарган. Нәүрүз такмагын укып, яки яттан әйтеп, хуҗаларга бәхет, уңышлар теләп йөргәннәр.

Шәкертләрнең болай йөрүе үзенә күрә бер күңел ачу була. Салкын кышлар бетеп килүенә шатлану, авыл халкының күңелен күтәрү. Бераз сыйланып алучылар да булган, чөнки нәүрүз әйтүләр беркайчан да бушка булмаган. Алар күчтәнәч таләп иткәннәр.

Нәүрүз такмагы төрлелеге белән аерылып торган. Еш кына шәкертләр, үз авыл халкына җайлаштырып, аларны үзләре үк уйлап чыгарганнар.

Авыл буйлап йөргәннән соң, икенче көнгә, җыелган күчтәнәчләрдән, сабантуй оештырылган, диелә район хәбәрендә.

#Безнең Чирмешән

Сәхифәләр

Чирмешән районының Туймәт авылына Нәүрүзбикә килә