Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чирмешән районының Әмир авылы балаларына Сургут күчтәнәчләре таратканнар
Бүләкләр биредә эшләүче хезмәткәрләргә дә тапшырылды.
(Чирмешән, 29 декабрь, “Татар-информ“, “Безнең Чирмешән“, Гөлсирә Шәрифуллина). Лашман балалар бакчасында капиталь ремонт булу сәбәпле, күрше авылы сабыйларын да Әмир бакчасына йөрттеләр. Чыршы бәйрәмендә балаларга Сургут күчтәнәчләрен өләштеләр. Бу турыда җирле басма хәбәр итә.
Бәйрәм уку алдынгыларын һәм “Чиста авыл синнән башлана!” акциясендә актив катнашучыларны котлаудан башланып китте.
Яңа ел тамашасы әкият геройларыннан башка узмый, билгеле, мәктәп укучылары әлеге рольләрне оста итеп башкардылар. Бәйрәмгә Кыш бабай да килгән иде, ул үзенең матур теләкләрен җиткерде.
Балаларны гына түгел, укытучыларны да, тәрбиячеләрне дә, гомумән, әлеге бинада эшләүче һәр хезмәткәрне шундый зур бүләкләр белән авылдашлары, Сургут шәһәрендә яшәүче эшкуарлар - бертуган Фазыйл һәм Миндар Әгъләмовлар сөендерде.
Кызыклы яңалыкларны күзәтеп бару өчен Телеграм-каналга язылыгыз