Җәмгыять 20 август 2018 06:00

Чирмешән районының Әккәрәй мәктәбендә яңа уңыш җыялар

Мәктәп яны участогын җәй дәвамында укучылар һәм укытучылар карап торганнар.

Скопировать ссылку

(Чирмешән, 20 август, "Татар-информ", "Безнең Чирмешән" ,Гөлсирә Шәрифуллина).Чирмешән районының Әккәрәй урта мәктәбенең тәҗрибә участогында көн дә эш кайный. 50 сутый мәйданда аллы - гөлле чәчәкләр генә түгел, ә мәктәп ашханәсе өчен җиләк – җимеш, яшелчәләр дә үстергәннәр, дип яза җирле басма.

-Бакчаның 27 сутыена бәрәңге утырттык, -ди мәктәп директоры Михаил Захаров.- Суган да байтак булды, помидор, кишер, кәбестә, чөгендер дә бар. Мәктәп ашханәсендә аш пешерүчеләр җыелган уңышны эшкәртеп баралар: тозлыйлар, салатлар ясыйлар, кайнатмалар пешерәләр. Инде байтак запас тупланды. Уңышны саклар өчен мәктәп территориясендә баз ясадык.

Мәктәп яны участогын җәй дәвамында укучылар һәм укытучылар карап торганнар. Яшелчәләрне утыртуны, аларга вакытында су сибүне, чүбен утауны, корткычларга каршы көрәшүне, барысын да вакытында эшләргә кирәк. Әлеге хезмәт җимешләрен уку елы вакытында укучыларга ашаталар. Ашханәдән арткан яшелчәләрне сатып, мәктәп акча да эшли.

#Безнең Чирмешән

Сәхифәләр

Чирмешән районының Әккәрәй мәктәбендә яңа уңыш җыялар