Фән һәм мәгариф 12 декабрь 2018 09:00

Чирмешән районының Казанка авылында 15 укучыга исәпләнгән яңа мәктәп төзелде

15 укучыга исәпләнгән мәктәп төзелешенә 34 миллион сумга якын акча тотылган.

Скопировать ссылку

(Чирмешән, 12 декабрь, “Татар-информ“, “Безнең Чирмешән“, Гөлсирә Шәрифуллина). Быел Чирмешән районының Казанка авылында 15 укучыга исәпләнгән яңа мәктәп төзелде. Бу турыда район басмасы хәбәр итә.

1 нче Чирмешән урта мәктәбенең филиалында – Казанка мәктәбендә бүген 4 укучы, һәр класста берешәр бала, укый. Аларга ике укытучы белем бирә. Авылда мәктәпкәчә яшьтәге 14 сабый бар, димәк киләсе елларда да белем йорты бушап калмыйчак.

Монда укучыларга физкультура дәресләрендә спорт белән шөгыльләнү өчен зур спорт залы да бар.

Бу мәктәп төзелешенә 34 миллион сумга якын акча тотылган.

#Безнең Чирмешән

Сәхифәләр

Чирмешән районының Казанка авылында 15 укучыга исәпләнгән яңа мәктәп төзелде