Фән һәм мәгариф 15 сентябрь 2017 07:00

Чирмешән районыннан Әмир авылы эшкуарлары үз мәктәпләренә булышканнар

2013нче елны тәүге тапкыр үткәрелгән “Үз мәктәбедә ярдәм ит!” республика акциясе хәзер ел саен уздырыла.

Скопировать ссылку

(Чирмешән, 15 сентябрь, “Татар-информ“, “Безнең Чирмешән“, Гөлсирә ШәрифуллинаЧирмешән районыннан Әмир авылы эшкуарлары үз мәктәпләренә булышканнар, дип яза җирел басма.

2013нче елны тәүге тапкыр үткәрелгән “Үз мәктәбедә ярдәм ит!” республика акциясе хәзер ел саен уздырыла. Бу эштән чирмешәнлеләр дә читтә калмый, һәр елны дистәләгән якташыбыз үзләре тәмамлаган белем бирү учреждениеләренә матди яктан булышалар.

Әлеге акциядә активлык Бәркәтә мәктәбен тәмамлаучылар ел саен аеруча күрсәтә. Алардан бүген Мәскәү өлкәсендә гомер итүче авылдашлары – эшкуар Вәгыйз Фәрхетдиновны аерым билгеләп үтү кирәктер. Ул районда әтисе истәлегенә ел саен мини – футбол буенча турнир үткәрә, мәктәп коллективына мәдәни һәм башка спорт чаралары оештыруда да булыша. Быел Вәгыйз Гаяз улы мәктәпкә музыкаль җиһаз алу өчен акча күчергән.

Яңа Элмәледә эшмәкәр Ксения Уламасова быел беренче класска кергән укучыларга бүләк ясаган, сабыйларга канцелярия товарлары алып биргән. 1977нче елны мәктәпне тәмамлаучылар да акциягә үз өлешләрен керткәннәр, спортзал идәннәрен буярга буяу алганнар.

Әмир башлангыч мәктәбендә белем алган укучылар да мәктәпләрен онытмыйлар. Мәктәп урнашкан күпфункцияле үзәк территориясен тәртиптә тоту өчен өч бертуган: Рәмзия Ихсанова , Гөлшат һәм Салават Әгъләмовлар күрсәткән матди ярдәмгә быел триммер (печән чапкыч) алганнар, диелгән район хәбәрендә.

#Безнең Чирмешән

Сәхифәләр

Чирмешән районыннан Әмир авылы эшкуарлары үз мәктәпләренә булышканнар