Чирмешән районында узган айда унике бала туган
Район ЗАГС бүлеге ел башыннан 28 балага туу турында таныклык тапшырган.
Скопировать ссылку
(Чирмешән, 6 апрель, “Татар-информ“, “Безнең Чирмешән“, Гөлсирә Шәрифуллина). Чирмешән районында агымдагы елның мартында 12 сабый туган. Район ЗАГС бүлеге ел башыннан 28 балага туу турында таныклык тапшырган, ягъни үткән елның шул чорындагыдан икегә кимрәк. Бу турыда җирле басма хәбәр итә.
Югары Чегодай авылыннан Илдус һәм Гөлнара Мөхәммәтшиннарның март аенда бишенче балалары туган. Алар өч кызларына һәм улларына иптәшкә тагын бер малай алып кайтканнар. Улларына Мөхәммәт дип исем кушканнар.