Чирмешән районында утыз тоннадан күбрәк гошер сәдакасы җыелган
Әлеге саваплы эштән бергенә татар авылы да читтә калмаган.
(Чирмешән, сентябрь, “Татар-информ“, “Безнең Чирмешән“, Гөлсирә Шәрифуллина). Чирмешән районында утыз тоннадан артык гошер сәдакасы җыелган. Әлеге саваплы эштән бергенә татар авылы да читтә калмаган. Бу турыда район басмасы хәбәр итә.
Район мөхтәсибәте хәбәр иткәнчә, халыктан җыелган яшелчәләрнең күп өлешен Казан шәһәрендәге мәдрәсәләргә, “Ярдәм” мәчетенә илткәннәр, шулай ук Әлмәт һәм Ульяновск дини уку йортларына да озатканнар.
-Райондашларыбыз арасында да мохтаҗлар бар, - ди Чирмешәннең үзәк мәчете имамы Рамил Ибраһимов. – Аларга да өлеш чыгардык. Бу эштә катнашкан һәр кешегә Аллаһының изге рәхмәте яусын, калган малларыбызга Иншаллаһ бәрәкәт иңсен.