Фән һәм мәгариф 18 август 2018 20:00

Чирмешән районында мәктәп автобусларына тахографлар урнаштырасы калган

Автотранспорт предприятиесе һәм мәгариф бүлеге укучыларны мәктәпкә йөртүче автобусларны барлый, аларның төзеклеген кайгырта.

Скопировать ссылку

(Чирмешән, 18 август, “Татар-информ“, “Безнең Чирмешән“, Кадрия Гамирова).Яңа уку елы башланырга санаулы гына атналар калып бара. Ата-аналар балаларын мәктәпкә әзерләсә, автотранспорт предприятиесе һәм мәгариф бүлеге укучыларны мәктәпкә йөртүче автобусларны барлый, аларның төзеклеген кайгырта, дип яза җирле басма.

Чирмешән автотранспорт предприятисе карамагында 16 мәктәп автобусы бар, аларның 15се 24 маршрут буенча укучыларны мәктәпкә йөртә, берсе – резервта, автобусларны алмаштырырга әзер. Районның 12 мәктәбенә укучылар төрле авыллардан килеп укый. Аларның тугызысында - берәр, ә Чирмешән лицее, Лашман һәм Шешминка мәктәпләре балансында икешәр “сары автобус”.

-Укучылар йөртәчәк автобусларга техник күзәтү уздырдык, йөртүчеләр белән дә комплектланган, элеккеге, тәҗрибәле шоферларыбыз идарә итәчәк, - ди автотранспорт тредприятиесе начальнигы Илдус Хәлимов. - Агымдагы елның 1 июленнән балалар йөртүче автобусларда сары яки саргылт төстәге “проблесковые маячки” кабызылырга тиеш. Уку елы башланганчы барлык автобусларга да аларны урнаштырабыз, акча күчерелде. Ә менә тахографлар белән проблема бар, алар да һәр автобуста булырга тиеш. Тик алар кыйммәт, 16 автобуска саллы гына сумма җыела.

Барлык автобусларга да глонасс, видеотеркәү һәм тревога төймәләре урнаштырылган, алар барлык таләпләргә җавап бирә. Тик ике автобусның хезмәт итү срогы чыккан, Иске Кади мәктәбенең автобусы – 2007, Шешминка мәктәбенеке 2008 елгы. Дөрес, алар нормаль хәлгә китерелгән, хезмәт итү срогы озайтылган.

#Безнең Чирмешән

Сәхифәләр

Чирмешән районында мәктәп автобусларына тахографлар урнаштырасы калган