Хәвеф-хәтәр 24 август 2018 01:00

Чирмешән районында кунак кызы сыра эчкән килеш машина белән идарә иткән

Аларга 10 тәүлектән 15 тәүлеккә кадәр административ кулга алыну, яисә 30ар мең сум штраф яный.

Скопировать ссылку

(Чирмешән, 24 август, “Татар-информ“, “Безнең Чирмешән“, Марат Гомәров). ЮХИДИ хезмәткәрләре Шешминка авылындагы төнге рейд вакытында бер-бер артлы, сыра эчеп руль артына утырган машина йөртүче ике яшь кешене тоткарлыйлар. Аларның машина йөртү таныклыклары да булмый, дип яза җирле басма.

Инспекторлар сүзләренчә, алар әүвәл төнге 11ләр тирәсендә “ундүртле” җиңел машинасын туктаталар. Рульдә – яшь кыз, “права”сы - юк. Язуларны тикшергән арада “автоледи”дан алкоголь исе килеп китә - кунак кызы сыра да эчкән икән. Шушы хәлдә иптәш егетенең машинасында әйләнеп килергә уйлаган.

Ул да булмый, әлеге уңайдан беркетмә тутырганда, Шешминка урамына икенче “ундүртле” килеп керә. “Понятойга” дип туктатылган яшьләрнең руль артындагысы шулай ук правасыз булып чыга, өстәвенә сыра эчкән.

Хәзер әлеге кагыйдә бозучыларга суд булачак. Аларга 10 тәүлектән 15 тәүлеккә кадәр административ кулга алыну, яисә 30ар мең сум штраф яный.

#Безнең Чирмешән

Сәхифәләр

Чирмешән районында кунак кызы сыра эчкән килеш машина белән идарә иткән