Хәвеф-хәтәр 12 июль 2018 08:00

Чирмешән районында бер яшүсмерне елан чаккан

Көтү көткәндә, Иске Котышта яшәүче 15 яшьлек яшүсмернең бармагын елан чагып ала.

Скопировать ссылку

(Чирмешән,12 июль, “Татар-информ“, “Безнең Чирмешән“, Гөлсирә Шәрифуллина). Шушы көннәрдә Чирмешән районы Үзәк хастаханәсенә елан чаккан бер яшүсмерне алып килгәннәр, дип яза җирле басма.

Көтү көткәндә, Иске Котышта яшәүче 15 яшьлек ир баланың бармагын елан чагып ала. Зыян күрүчене тиз арада хастаханәгә китергәннәр, хәзер ул хирургия бүлегендә дәвалана.

"Әгәр дә елан чаккан икән, беренче чиратта ашыгыч медицина ярдәмен чакыртырга (ашыгыч хезмәт номеры -112) яки якындагы медицина учреждениесенә мөрәҗәгать итәргә кирәк, - ди район үзәк хастаханәсе табибы Рамил Минеголов. - Ярдәм килеп җиткәнче, иң элек елан чаккан кешене сузып яткырыгыз, чөнки бу вакытта кан басымы төшә. Мөмкинлек булса, күп итеп су эчерегез, ярага салкын әйбер, әйтик, боз куеп торыгыз. Зыян күрүчегә спиртлы эчемлекләр эчертергә ярамый. Ярадан агулы канны чыгарырга тырышыгыз. Жгут салырга кушмыйбыз. Супрастин, димедрол ише дарулар эчерегез".

#Безнең Чирмешән #елан чагу

Сәхифәләр

Чирмешән районында бер яшүсмерне елан чаккан