Җәмгыять 26 декабрь 2017 09:00

Чирмешән Кубогы Аксубай полиция бүлегенә китте

Ярышларда Аксубай командасы беренче урынны яулады, Чирмешән белән Яңа Чишмә спортчылары – икенче һәм өченче урыннарда.

Скопировать ссылку

(Чирмешән, 26 декабрь, “Татар-информ“, “Безнең Чирмешән“, Гөлсирә Шәрифуллина). Чирмешәндә җинаятьче кулыннан һәлак булган милиция майоры Мирсәет Кәбиров истәлегенә спорт ярышында Аксубай командасы җиңүче булды, дип яза җирле басма.

“Чирмешән” физкультура-сәламәтләндерү комплексы базасында Чирмешән, Яңа Чишмә һәм Аксубай полиция хезмәткәрләре волейбол буенча көч сынаштылар.

Ярышлар Мирсәетнең гомере өзелгән көнне, 23 декабрьдә узды. Шуңа да әүвәл хокук саклаучылар аның туган авылы Кызыл Яр зиратына барып, хезмәттәшләрен искә алганнар, каберенә чәчәкләр салганнар, әти-әнисе янына да кергәннәр, күчтәнәчләр тапшырганнар.

-Мондый, волейбол буенча ярышны беренче тапкыр оештырабыз, әмма соңгысы булмас. Киләсе елга тагын да күбрәк команда катнаштырырга ниятлибез. Чакыруыбызны кабул итеп алганыгыз өчен рәхмәт,- диде ярышлар алдыннан сәламләү сүзендә район полиция бүлекчәсе начальнигы Илгиз Алмакаев.

Полициядә эшләүчеләр арасындагы беренчелеккә биш команда көч сынашты, яшьләрдән тыш, Аксубай һәм Чирмешән бүлекчәләренең ветераннар командалары да үзләрен сынап карадылар.

#Безнең Чирмешән

Сәхифәләр

Чирмешән Кубогы Аксубай полиция бүлегенә китте