Чирмешән хоккейчылары Питрәч һәм Арча командаларын җиңгән
Питрәч командасы белән Чирмешән Боз сараенда узган уенда безнекеләр 4:3 исәбе белән отканнар.
(Чирмешән, 30 ноябрь, “Татар-информ“, “Безнең Чирмешән“, Гөлсирә Шәрифуллина). Чирмешәннең ир-егетләр командасы алкалы хоккей буенча республика беренчелеге кысаларында Питрәч һәм Арча командаларын җиңгән, дип яза район газетасы.
Питрәч командасы белән Чирмешән Боз сараенда узган уенда безнекеләр 4:3 исәбе белән отканнар. Арчада да “Корыч ябалаклар” сынатмаган, 7:3 исәбе белән җиңү яулаганнар.