(Казан, 15 июнь, “Татар-информ”). Чиләбе өлкә татар һәм башкорт мәдәният үзәге 18 июньдә шәһәрнең Тракторлар заводы районы Җиңү бакчасында Сабан туе бәйрәме үткәрә.
Бәйрәм программасында көрәш, шәһәр һәм өлкә үзешчән артистларының концерты, милли ашлар күргәзмәсе булачак. Бәйрәмдә Чиләбе татарлары гына түгел, ә өлкә районнарыннан да бик күп милләттәшләребез, шулай ук башка халыклар вәкилләре дә катнашачак.