Татар дөньясы 25 ноябрь 2017 12:18

Чиләбедә "Татар кызы. Нәни энҗеләр" бәйгесенең финалы якынлаша

Конкурсның нигезләмәсе буенча, бәйгедә 7-9 яшьлек татар кызлары катнаша.

Скопировать ссылку

(Казан, 25 ноябрь, "Татар-информ", Лилия Локманова). 2 декабрь көнне Чиләбе өлкәсендә "Татар кызы. Нәни энҗеләр-2017" бәйгесенең җиңчеләрен билгелиячәкләр. Өлкәнең Татар конгрессы хәбәр итүенчә, чарада катнашучылар һәм тамашачылар каршында Татарстанның атказанган артистлары Марат Галимов белән Артур Мингазов та чыгыш ясаячак.

Конкурсның нигезләмәсе буенча, бәйгедә 7-9 яшьлек татар кызлары катнаша ала. Бәйге биш этаптан гыйбарәт. Беренче өлеше анкеталарны теркәү, аннан район һәм шәһәрләрдә сайлап алу туры, өлкә сайлап алу туры, бәйгенең финалына сайлап алу һәм җиңүчеләрне билгеләү. Яшь энҗеләрне кул эшләрен белүдә, аш-суга осталыкта, спорт ягыннан, белемлелек ягыннан тикшереп карыйлар. Театраль конкурс та каралган.

Билгеле булганча, "Татар кызы" матурлык һәм зирәклек бәйгесенә нәкъ менә Чиләбе өлкәсендә нигез салынды. Быелдан ул Россиянең татарлар яши торган төбәкләре буйлап күчеп йөриячәк.

#"Татар кызы" #"Татар кызы. Нәни энҗеләр"

Сәхифәләр

Чиләбедә "Татар кызы. Нәни энҗеләр" бәйгесенең финалы якынлаша