Чиләбедә Ренат Әюпов куйган "Башмагым" комедиясенең премьерасы була
Спектакль Чиләбе өлкәсе Татар конгрессы оешуга 20 ел тулуга багышлана.
Скопировать ссылку
(Казан, 6 июнь, "Татар-информ"). Чиләбедә Г.Кариев исемендәге Казан Татар дәүләт яшь тамашачылар театры баш режиссеры Ренат Әюпов куйган "Башмагым" комедиясенең премьерасы була. Бу турыда Чиләбе татарлары конгрессы матбугат хезмәте хәбәр итте.
Чиләбе өлкәсе Татар конгрессы оешуга 20 ел тулу уңаеннан, өлкә татарлары Җәүдәт Фәйзи музыкасына Хәбибулла Ибраһимов пьесасы буенча язылган Таҗи Гыйззәтнең "Башмагым" музыкаль комедиясен сәхнәләштерә.
Комедиянең премьерасы 15 июньгә билгеләнгән.
- Таҗи Гыйззәт әсәре буенча куелган "Башмагым" спектакленең беренче премьерасы 1921 елда булган.
