Татар дөньясы 1 март 2019 19:33

Чиләбедә Габдулла Тукайга багышланган иң яхшы язма авторын ачыклаячаклар

Җиңүчеләргә акчалата бүләкләр каралган.

Скопировать ссылку

(Казан, 1 март, "Татар-информ"). Чиләбе өлкәсе Татар конгрессы Габдулла Тукайга багышланган язмалар бәйгесе игълан итә. Бу хакта өлкә конгрессының социль челтәрдәге сәхифәсендә язылган.

Конкурста профессиональ журналистлар гына түгел, югары, урта һөнәри белем бирү учреждениеләрендә һөнәр үзләштерүчеләр, мәктәп укучылары да катнаша ала.

Язмаларның Габдулла Тукай шәхесен, иҗатын, тарихи-мәдәни мөһимлеген ачып бирүе һәм быелның 1 гыйнварыннан 31 мартына кадәр басылган булуы шарт.

Иҗади эшләр татар телендә яисә русча язылган булу мөмкин.

Җиңүчеләргә махсус дипломнардан тыш, акчалата бүләкләр дә каралган. Профессиональ журналистлар арасында бернчелекне яулаучыга 15 мең сум, студентлар һәм укучылар арасында беренче урынга 5 мең сум биреләчәк.

Гаризалар 1 апрельгә кадәр кабул ителә.

#чиләбе #тукай #бәйге

Сәхифәләр

Чиләбедә Габдулла Тукайга багышланган иң яхшы язма авторын ачыклаячаклар