Хәвеф-хәтәр 8 июнь 2018 15:34

Чиләбедә балаларга аткан ир-ат исерек булган

41 яшьлек ир-аттан пневматик корал алганнар.

Скопировать ссылку

(Казан, 8 июнь, “Татар- информ”). Чиләбедә 63нче гимназия янында балаларга ут ачкан ир-ат исерек булган, дип хәбәр иттеләр өлкә хакимияте матбугат хезмәтендә. Бу хакта ТАСС яза.

“Һәлакәт урынына килгән полиция хезмәткәрләре исерек хәлдәге ир-атны тоткарлаган. Ир-аттан пневматик корал алынган”, - диде агентлык әңгәмәдәше.

Алдан Чиләбенең Үзәк районында билгесез ир-ат 63нче гимназия янында уйнап йөргән балаларга карата ут ачкан, дип хәбәр ителгән иде. Тикшерү комитеты белдергәнчә, ир-атка аның гаражы янында үсмерләрнең уйнаулары ошамаган. Гадәттән тыш хәл нәтиҗәсендә бер бала зыян күргән, әмма хастаханәгә җибәрү кирәк булмаган. Бу факт буенча җинаять эше кузгатылган, коралдан атучыга җәза билгеләү мәсьәләсе хәл ителә.

#Атыш #пистолет

Сәхифәләр

Чиләбедә балаларга аткан ир-ат исерек булган