Җәмгыять 28 апрель 2019 17:44

Чиләбе өлкәсендә «Нәни тамчылар», «Нәни энҗеләр», «Нәни батырлар» конкурслары финалы узды

27 яшь катнашучы тамашачыларга һәм жюри әгъзаларына үз сәләтләрен күрсәтте.

Скопировать ссылку

(Казан, 28 апрель, «Татар-информ»). Габдулла Тукайның туган көне уңаеннан Чиләбе өлкә филармониясендә «Нәни тамчылар», «Нәни энҗеләр» һәм «Нәни батырлар» конкурсларының финалы узды. Бу хакта Бөтендөнья татар конгрессы матбугат хезмәте хәбәр итә.

27 яшь катнашучы тамашачыларга һәм жюри әгъзаларына проектның 2 аенда өйрәнгәннәрен күрсәттеләр. Балалар җырладылар, биеделәр, туган телдә сөйләштеләр һәм хәтта кечкенә спектакль дә куйдылар. Бу балачак һәм халык традицияләренең якты бәйрәме булды.

Жюри җиңүчеләрне билгеләде. Чиләбе өлкәсенең иң баш батыры булып Мансур Мөхәммәдшин, нәни энҗесе - Русалина Гыйматова, нәни йолдызчык - Искрина Исламова, иң сөйкемле малай булып Илмир Кәлимуллин танылды.

#нәни энҗеләр #чиләбе татарлары

Сәхифәләр

Чиләбе өлкәсендә «Нәни тамчылар», «Нәни энҗеләр», «Нәни батырлар» конкурслары финалы узды