Спорт 13 июнь 2018 13:10

Чемпионатка килгәндә, АКШ җанатарларына үзләре белән смартфон алмаска киңәш иткәннәр

АКШ махсус хезмәтләре Россия хөкүмәте һәм киберҗинаятьчеләр Америка җанатарларының мәгълүматларына керер дип шикләнә.

Скопировать ссылку

(Казан, 13 июнь, “Татар-информ”). АКШ Милли контрразведка үзәге директоры Уильям Эванина, Россиядә футбол буенча Дөнья чемпионатына барганда, Америка җанатарларына мобиль телефоннарын үзләре белән алмаска киңәш иткән. Бу хакта "Reuters" агентлыгына сылтама белән, РИА Новости хәбәр итә.

Россия хөкүмәте һәм киберҗинаятьчеләр гаджетларда сакланучы мәгълүматларга керергә тырышырга мөмкин, дип ышана Эванина.

Киңәшләр Америка түрәләренә һәм корпорация вәкилләренә кагыла. Шулай да ул гади кешеләргә дә йогынты ясарга мөмкин, дигән махсус хезмәт вәкиле. Электрон җайланмадан файдаланмый тора алмаучыларга гади гаджетлар алырга һәм аларның аккумуляторын мөмкин кадәр ешрак сүндереп торырга киңәш иткәннәр.

Бөек Британия дә футбол җанатарларына шундый ук киңәш биргән.

#Футбол буенча дөнья чемпионаты

Сәхифәләр

Чемпионатка килгәндә, АКШ җанатарларына үзләре белән смартфон алмаска киңәш иткәннәр