Икътисад 29 июнь 2018 15:55

Чемезов: “КАМАЗ”ның бары тик 3 процент акциясен генә алмаштырабыз

“Ростех” җитәкчесе "КАМАЗ” акцияләрен Татарстан радиоэлектроника заводлары кыйммәтле кәгазьләренә алмаштыруны шәрехләде.

Скопировать ссылку

(Чаллы, 29 июнь, “Татар-информ”, Егор Никитин). “Ростех” “КАМАЗ” акцияләренең 6 түгел, ә 3 проценттан кимен Татарстан радиоэлектроника заводлары кыйммәтле кәгазьләренә алыштыра. Бу хакта дәүләт корпорациясе җитәкчесе Сергей Чемезов Чаллыда узган “КАМАЗ” ГАҖ акционерларының еллык гомумҗыелышында белдерде.

Ул матбугат чараларында чыккан Чаллы автогигантының 6 процентка якын акцияләрен алмаштыру турындагы мәгълүматны кире какты.

“Ул 6 түгел, ә 3 проценттан кимрәк акция. Безгә радиоприборлар җитештерү белән бәйле ике предприятие акцияләр пакетын алырга кирәк иде. Алар безнең “Радиоэлектрон технологияләр концернына керәчәк. Тагын бер электротехника предприятиесе безнең холдингларның берсенә керәчәк”, - дип аңлатма бирде Сергей Чемезов.

Килешү якын арада бәяләнәчәк.

“КАМАЗ”ның бары тик 3 процент чамасы акциясен генә алмаштырабыз”, - диде “Ростех” җитәкчесе.

#"Ростех" #Сергей Чемезов #"Камаз"

Сәхифәләр

Чемезов: “КАМАЗ”ның бары тик 3 процент акциясен генә алмаштырабыз