Җәмгыять 1 апрель 2021 17:17

Чечня башлыгы Рамзан Кадыйровны Нобель премиясенә тәкъдим иттеләр

Лауреат исеме 8 октябрьдә Ослода игълан ителәчәк.

Скопировать ссылку

(Казан, 1 апрель, «Татар-информ»). Чечня башлыгы Рамзан Кадыйровны Нобель премиясенә тәкъдим иттеләр. РИА Новостига бу хакта республиканың мәгълүмат һәм матбугат министры Ахмед Дудаев хәбәр иткән.

Элегрәк бу хакта гаммәви мәгълүмат чараларында хәбәр ителгән иде. Анда тәкъдим итүгә «соңгы 15 ел дәвамында тарихи катлаулы крайда иминлек урнаштыруга һәм саклауга күренекле өлеш кертүе» нигез итеп күрсәтелгән.

«Җәмгыятьтә мондый бәяне төбәк җитәкчесе халыкара терроризмны җиңгән өчен <...> һәм икътисадны, социаль өлкәне тиз арада торгызганы өчен алды», - дип өсти агентлык әңгәмәдәше.

Гаризаны кем биргәне билгеле түгел. Дудаев сүзләренчә, бу конфиденциаль мәгълүмат. Нобель Халыкара мәгълүмат үзәге президенты Вячеслав Тютюнник устав буенча мәгълүмт 50 ел сер итеп сакланырга тиешлеген искәртә.

Узган ел Кадыйровны Иминлек һәм үсеш институты (INSPAD) тарафыннан гамәлгә куелган халыкара премиягә номинацияләгәннәр. Бу оешма конфессияара мөнәсәбәтләрне, шулай ук гуманитар һәм белем бирү программаларын җайга салуда аның аерым ролен билгеләп үткән.

Нобель премиясе 1901 елдан башлап кешеләргә яки оешмаларга тотрыклылыкны ныгыту өлкәсендәге казанышлары өчен бирелә. Кандидатларны милли парламентлар һәм төрле ил хөкүмәтләре яки халыкара суд әгъзалары, университет ректорлары, Норвегия Нобель комитетының гамәлдәге һәм элеккеге әгъзалары һәм киңәшчеләре тәкъдим итә ала.

Төрле елларда бүләккә Теодор Рузвельт, Мартин Лютер Кинг, Михаил Горбачев, Нельсон Мандела, Барак Обама лаек булды. 2020 елда Бөтендөнья азык-төлек программасы җиңүче дип танылды.

Лауреат исеме 8 октябрьдә Ослода игълан ителәчәк.

#Рамзан Кадыйров

Сәхифәләр

Чечня башлыгы Рамзан Кадыйровны Нобель премиясенә тәкъдим иттеләр