“Частник” операциясе үткәрелә

 (Казан, 16 сентябрь, “Татар-информ”). 8 сентябрьдән “Гостехнадзор”ның Нурлат бүлеге белгечләре, ЮХИДИ бүлеге белән берлектә, республикада старт алган “Частник” профилактик операциясенә кушылдылар.

22 сентябрьгә кадәр дәвам итәчәк әлеге акция барышында физик затларның тракторлары, үзйөрешле авыл хуҗалыгы техникасы һәм таккычларын тикшерү буенча рейдлар оештырылачак, дип игълан итте Нурлатның “Дуслык” басмасы.