Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чаллының үзәк пляж районында аек булмаган хатын баткан
Автошәһәрдә исерекләр суга кереп, йөзгәндә батып үлүнең бу өченче очрагы.
(Чаллы, 7 август, “Татар-информ”, Эльвира Мөхәммәтдинова). Чаллының үзәк пляж районында аек булмаган хатын баткан. Бу хакта “Татар-информ” корреспондентына 6нчы зона коткару-эзләү отряды җитәкчесе урынбасары Денис Бессмертных хәбәр итте.
Аның сүзләренчә, бердәм диспетчерлык хезмәте номерына хәбәр 14 сәгать 30 минутта алынган. Урынга килгәч, аларга үзәк пляжда аек булмаган төркемнең ял итүен, араларында 45 яшьлек хатын булганлыгын җиткергәннәр. Әлеге хатын суга кереп, Чулманның икенче ярына йөзеп киткән һәм күздән югалган.
Шуннан ярдагылар коткаручыларны чакырган. МЧС хезмәткәрләре хатынның үле гәүдәсен ярдан 40 метрлап ераклыктан табып алган. “Чаллыда бу инде исерекләрнең ярдан йөзеп китеп батып үлүендә өченче очрак. Барысы да гел шул ук бер урында диярлек була”, - диде Денис Бессмертных.
Кызыклы яңалыкларны күзәтеп бару өчен Телеграм-каналга язылыгыз