Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чаллының "Тәүбә" мәчетендә Коръән өйрәнүче балалар өчен айлык лагерь эшли
Анда 7 яшьтән 15 яшькә кадәрге 16 ир бала йөри.
(Чаллы, 11 август, "Татар-информ", "Шәһри Чаллы", Мирһади Разов). Чаллының "Тәүбә" мәчетендә Коръән өйрәнүче балалар өчен айлык лагерь эшли, дип яза җирле басма.
Анда 7 яшьтән 15 яшькә кадәрге 16 ир бала йөри. Мәчет имам-хатыйбы Әбүбәкер хәзрәт Әбдиев болай ди: "Иң яхшы укучыларны җыю һәм ай буена җүз ярым Коръән ятлату бурычын куйган идек. Кемдер бу максатка иреште, кемдер ирешә алмады. Кайсыберләре бер җүз, икенчеләр ярты җүз ятладылар. Гомумән алганда, бик уңышлы булды. Коръән ятлау дәресләреннән тыш, балалар футбол уйнадылар, Камада көймәдә йөзделәр, су коендылар, экскурсияләргә чыктылар, тәмле ашлар ашадылар. Балалар бик канәгать, әлхәмделилләһ."
Бу смена тәмамлангач мәчеттә 14 августта мөселман балалары өчен чираттагы лагерь ачыла. Ул быелгы җәйге сезонда сан ягыннан караганда өченчесе булачак һәм атна дәвамында эшләячәк.
Кызыклы яңалыкларны күзәтеп бару өчен Телеграм-каналга язылыгыз