Чаллының Җәмигъ мәчете төзелеш мәйданчыгында мөселманнар намаз укыган
Мәчетнең нигезен һәм цоколь биеклегендәге катын төзү эшләре тәмамланган.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Чаллы, 26 июль, «Татар-информ», Эльвира Мөхәммәтдинова). Чаллының Җәмигъ мәчете төзелеш мәйданчыгында мөселманнар намаз укыган. Бу хакта Чаллы мөхтәсибәте матбугат хезмәте хәбәр итә.
Төзелеш-монтаж эшләре 23 миллион сумга төшкән. «Стройтраст» ҖЧҖ эшләр төгәлләнгәннән соң барлык сумманы да алмаган һәм көтәргә булган. Бурыч тагын да җыелмасын өчен, 2018 елда төзелеш эшләре алып бармаска карар кылганнар. Эшне 2019 елда дәвам итү күздә тотыла.
Мәчетне сафка бастыру планы тоткарлыксыз гамәлгә ашырылсын өчен, кичә шәһәр мөселманнары төзелеш мәйданчыгында намаз укыган. Анда барлыгы 85 кеше, шул исәптән Чаллы имамнары катнашкан.
Намаз тәмамланганнан соң шәһәрнең имам-мөхтәсибе Әлфәс хәзрәт Гайфуллин һәм Җәмигъ мәчетен төзү фонды директоры Уел Хөсәенов мөселманнарга башкарылган төзелеш эшләренең күләме хакында сөйләгән һәм җәмгыять тормышында мәчетнең уйнаган роленә басым ясаган.
- Шәһәр үзәгендә Җәмигъ мәчетен төзү эшләре 1992 елда ук башланды. Ул Татарстандагы иң биек мәчет булыр дип көтелә.
