Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллының курчак театры "Ел хәйриячесе-2017" конкурсы лауреаты исеменә лаек булды
Җитәкчеләре Зөһрә Митрофанова ярдәме белән театрда инвалид һәм тулы булмаган гаиләдә тәрбияләнүче балалар белән эшләү системасы җайлашкан.
(Чаллы, 21 март, "Татар-информ", "Шәһри Чаллы"). Чаллының курчак театры "Ел хәйриячесе-2017" конкурсы лауреаты исеменә лаек булды, дип яза җирле басма.
Татарстанда быел әлеге конкурс 11 нче тапкыр үткәрелә. Тантана Рөстәм Миңнеханов катнашында Казанның С.Сайдашев исемендәге Зур концертлар залында үткәрелде.
Яр Чаллы дәүләт курчак театры "Коммерцияле булмаган оешма" номанициясенә ия булды һәм мактаулы диплом белән бүләкләнде.
Әлеге коллектив инде озак еллар дәвамында актив эшли. Алар тарафыннан мөмкинлекләре чикләнгән балаларга ярдәм итүгә юнәлдерелгән күп кенә проектлар уйлап табылган.
Җитәкчеләре Зөһрә Митрофанова ярдәме белән театрда инвалид һәм тулы булмаган гаиләдә тәрбияләнүче балалар белән эшләү системасы җайлашкан.
Ел дәвамында алар атна саен әлеге балаларга бушлай театр күрсәтәләр. Шунысында искәртеп үтергә кирәк, алар балаларны гына чакырып калмыйлар, ә үзләре дә "Асылташ", "Дом ребенка", "Доверие" һәм башка оешмаларга баралар.
Кызыклы яңалыкларны күзәтеп бару өчен Телеграм-каналга язылыгыз