Спорт 15 март 2017 08:15

Чаллының 26 нчы гимназиясе шахмат уеннарының Бөтенроссия турниры финалында катнашачак

Лениногорск шәһәрендә шахмат буенча республика беренчелегенә үткәрелгән “Ак ладья” ярышлары тәмамланды.

Скопировать ссылку

(Казан, 15 март, «Татар-информ»). Чаллының 26 нчы гимназиясе шахмат уеннары буенча Бөтенроссия турниры финалына юллама алды. Бу хакта “Татар-информ” мәгълүмат агентлыгына Чаллы мэриясе матбугат хезмәте хәбәр итте.

Лениногорск шәһәрендә гомуми белем бирү мәктәпләре арасында шахмат буенча республика беренчелегенә үткәрелгән “Ак ладья” ярышлары тәмамланды. Максатчан көрәшеп, Чаллыдагы 26 нчы гимназия беренче урынны яулады һәм Россия күләмендә уздырылачак финал уеннарына юллама алды. Яшел Үзәндәге 3 нче гимназия – II урында. III урынга Казанның 7 нче гимназиясе лаек булды.

9 яшьлек кызлар һәм малайлар арасында яхшы нәтиҗәгә ирешеп, Татарстан беренчелегенә ярышларда Автошәһәрдән Леонид Ефимов - I урынны, Эмилия Красноперова II урынны алды, дип билгеләгән Чаллы мэриясе матбугат хезмәте.

#Шахмат буенча Татарстан беренчелеге #шахмат уеннары #Чаллы шахматчылары

Сәхифәләр

Чаллының 26 нчы гимназиясе шахмат уеннарының Бөтенроссия турниры финалында катнашачак