Икътисад 20 апрель 2017 03:00

Чаллыдан сайланган Россия Дәүләт Думасы депутатларының 2016 елдагы керемнәре билгеле булды

Чаллыдан сайланган Әлфия Гомәр кызы Кагогина былтыр 10 481 067 сум акча эшләгән.

Скопировать ссылку

(Чаллы, 20 апрель, "Татар-информ", "Шәһри Чаллы"). Чаллыдан сайланган Россия Дәүләт Думасы депутатларының 2016 елдагы керемнәре һәм милекләре хакында ачык мәгълүматлар пәйда булды, дип яза "Шәһри Чаллы" газетасы.

Чаллыдан сайланган Әлфия Гомәр кызы Кагогина былтыр 10 481 067 сум акча эшләгән. Аның 1267 һәм 3406 кв. метрлы ике җир биләмәсе бар. Мәгълүматтан күренгәнчә бу мәйданнар Россиядә, ял йорты, спа-үзәк, туристик база һәм шифаханә урнашкан җирләрдә. Моннан тыш депутатның 148,8 кв.м. фатиры һәм 469,9 кв. м. күчемсез милке бар.

Кагогина Mersedes Benz CLS500 4MATIC маркалы автомобильгә ия.

Аның ире, “КАМАЗ” зур йөк автомобильләре җитештерә торган заводның генераль директоры Сергей Кагогин 2016 елда 45 196 055 сум хезмәт хакы алган. Аның 383 һәм 440 кв.м. лы ике фатиры бар.Өч машина сыешлы бөтен уңайлыклары булган гаражында BMW M6 һәм Land Rover Defender, шулай ук Yamaha VX700 гидроциклы саклана.

#Шәһри Чаллы

Сәхифәләр

Чаллыдан сайланган Россия Дәүләт Думасы депутатларының 2016 елдагы керемнәре билгеле булды