Мәдәният 23 май 2007 15:57

Чаллыда Үзәк районның “Дебютантларын” ачыкладылар

Скопировать ссылку

(Чаллы, 23 май, “Татар-информ”, Айрат Башкуров). Үсеп килүче буынның рухи үсешенә теләктәшлек күрсәтү, сәләтле балалар һәм яшьләргә ярдәм итү максатыннан, автошәһәрнең Үзәк районы башкарма комитеты районның белем бирү учреждениеләре укучылары һәм студентлары арасында “Дебютант” дип исемләнгән әдәби иҗат конкурсы үткәрде.

Конкурс инде икенче елын уздырыла. Анда барлыгы 57 кеше катнашты, тәкъдим ителгән эшләрне составында Россия Язучылар берлегенең Татарстандагы бүлеге рәисе, Державин исемендәге әдәби премия лауреаты Николай Алешков, Россия Язучылар берлеге әгъзасы, “Орфей” әдәби берләшмәсе җитәкчесе Алла Орехова, Россия Язучылар берлеге әгъзасы, Шәйхи Маннур исемендәге әдәби премия лауреаты Мансур Сафин булган компетентлы жюри бәяләде.

Кичә бәйгегә нәтиҗәләр ясалды һәм конкурста катнашкан барлык кешеләр өчен мастер-класс үткәрелде. Яна Козлова, Эльза Кибардина һәм Эльвина Гәрәева – “Иң яхшы эссе”, Полина Павлова, Алексей Овчаренко һәм Сергей Мелкумян “Иң яхшы әкият” өчен бүләк алды. Виктория Галиева, Игорь Зуев һәм Татьяна Дорженковскаяның әсәрләре “Иң яхшы шигырьләр” дип табылды. Жюри шулай ук Рөстәм Миңнебаев, Мария Баженова һәм Самат Фәйзрахмановның “Иң яхшы шигъри тәлгәшләре”н билгеләп үтте. Радик Гыйльметдинов һәм Гөлүзә Имамиева “Татар телендә иң яхшы әсәр” иҗат итүчеләр дип табылды.

Җиңүчеләр Үзәк район башкарма комитеты дипломнары һәм китаплар белән бүләкләнде. Аларга шулай ук “Дебютант” конкурсына тәкъдим ителгән иң яхшы 20 әсәр кергән “Оазис” җыентыгын да тапшырдылар.

Сәхифәләр

Чаллыда Үзәк районның “Дебютантларын” ачыкладылар