Чаллыда янгын чыккан ресторан янындагы йортларда яшәүчеләрне эвакуациялиләр
Янгын сүндерүдә 62 кеше һәм 16 берәмлек техника катнаша.
(Казан, 26 сентябрь, «Татар-информ»). Чаллыда янгын чыккан «Арарат» рестораны янындагы йортларда яшәүчеләрне эвакуациялиләр. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
«Янгын сүндерүчеләр 600 кв.метр мәйдандагы бина түбәсеннән куе кара төтен чыгуын хәбәр иттеләр. Урыны белән ачык ут чыганаклары күзәтелгән. Хәзер якындагы йортларда яшәүчеләрне эвакуациялиләр», — дип хәбәр иттеләр министрлыкта.
«Татар-информ» агентлыгы Татарстан Гражданнар оборонасы эшләре һәм гадәттән тыш хәлләр министрлыгына 17.00 сәгатьтә Чаллы үзәгендә янгын чыгуы турында хәбәр килгән, дип язган иде. Сөембикә проспектында буш торган ресторан бинасында янгын чыккан.
Янгын сүндерүдә министрлыкның 62 хезмәткәре һәм 16 берәмлек техника катнаша.
