Чаллыда яна торган торак йорттан ике хатын-кызны коткарганнар
Янгын сәбәпләре һәм мәйданы ачыклана.
(Казан, 18 июль, «Татар-информ», Полина Шевчук). Чаллыда яна торган торак йорттан ике хатын-кызны коткарганнар. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.
Яңа шәһәрдә 1/15 номерлы йортта янгын чыгуы турындагы хәбәр бүген 14:30 сәгатьтә ашыгыч хезмәтләрне чакыру бердәм 112 номерына алынган.
Урында янгын дүрт катлы торак йортның дүртенче катында кабынуы ачыкланган. Янгын сүндерүчеләр баскыч ярдәмендә өскә күтәрелгән һәм яна торган фатир күршеләреннән ике хатын-кызны коткарган. Түбән катлардан мөстәкыйль рәвештә 50 кеше чыккан.
15: 10 сәгатьтә янгын сүндерелгән. Һәлакәт сәбәпләре һәм янгын мәйданы билгеләнә.