Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чаллыда җәяүлене таптаткан трамвай йөртүчене хөкем иттеләр
Трамвай йөртүче юл-транспорт һәлакәте урыныннан качкан.
(Чаллы, 29 сентябрь, «Татар-информ», Эльвира Мөхәмәтдинова). Чаллы шәһәрендә җәяүлене таптаткан трамвай йөртүчене хөкем иттеләр. Бу турыда шәһәр суды хәбәр итә.
Фаҗига агымдагы елның 14 гыйнварында Чаллы проспектында 21нче йорт каршында булган.
ЮХИДИ версиясе буенча, Низаметдинов урамы ягына таба хәрәкәт итүче трамвай куркынычсыз тизлек сакламаган һәм хатын-кызны бәрдергән. Шуннан соң ул юл-транспорт һәлакәте урыныннан качкан. Зыян күрүчене Ашыгыч медицина ярдәме хастаханәсенә кома хәлендә китергәннәр. Бу хатын 5 көн ятканнан соң, аңына килмичә үлгән.
Социаль челтәрләрдә һәлакәтнең версияләре төрле иде. Берсендә трамвай йөртүче кешене бәрдергәнен күрмәгән, шуңа күрә маршрут буенча хәрәкәт итүен дәвам иткән диелгән.
Суд 28 яшьлек трамвай йөртүчене юл хәрәкәте кагыйдәләрен бозып, саксызлык аркасында кеше үлеменә китерүдә гаепле дип тапкан. Ир-атны шартлы рәвештә 1,9 елга ирегеннән, шулай ук 2 елга транспорт йөртүгә бәйле эшчәнлек белән шөгыльләнү хокукыннан мәхрүм иткәннәр.
Кызыклы яңалыкларны күзәтеп бару өчен Телеграм-каналга язылыгыз