Җәмгыять 19 ноябрь 2014 20:39

Чаллыда яңа комплекс төзелә

Тәүге йорт җәйгә файдалануга тапшырылачак

Скопировать ссылку

(Казан, 19 ноябрь, “Татар-информ”). Чаллының иң эре компанияләреннән саналган “Камгэсэнергострой” ААҖ Мәләкәс аръягы микрорайонында яңа комплексны үзләштерергә кереште. Биредә тәүге йортны (22/02) төзүчеләр киләсе елның җәендә файдалануга тапшырырга ниятли.

Компаниянең генераль директор урынбасары Сергей Ямашев ачыклык керткәнчә, әлеге территориядә 150 мең кв. метр коммерцияле нигездә торак төзү күздә тотыла. Беренче этапта гомуми мәйданы 40 меңгә якын кв. метр тәшкил иткән 10 катлы сигез йорт төзеләчәк. Хәзерге вакытта беренче йортны торгызалар, икенчесенең дә (22/03) нигез чокыры казылган, дип белдерә “Шәһри Чаллы” басмасы.

Сәхифәләр

Чаллыда яңа комплекс төзелә