news_header_top
16+
news_header_bot
news_top

Чаллыда урланган машинаны ике көн тураклап, металлоломга тапшырганнар

Урлаучы кеше металл өчен 15 мең сум акча алган.

(Казан, 27 апрель, "Татар-информ"). Яр Чаллыда ир-ат урланган машинаны ике көн буена тураклап, металлоломга тапшырган. Бу турыда  Россия Эчке эшләр министрлыгының Яр Чаллы шәһәре буенча идарәсе матбугат хезмәте хәбәр итте.

"Каблук"-машинаны урлау турында ЗЯБ бистәсендә яшәүче 54 яшьлек кеше гариза белән мөрәҗәгать иткән. Ул машинасын йорт ишегалдыннан урлауларын әйткән.

Полиция хезмәткәрләре машина урлаучыны тоткарлаган. Беркайда эшләмәүче 28 яшьлек ир-ат машинаны арендаланган гаражга алып китүен сөйләгән. Анда ике көн буена машинаны тураклаган, аннары өлешләп металлоломга тапшырган. Металл өчен ул 15 мең сум акча алган.

news_right_1
news_right_2
news_bot