Чаллыда Тукай исемендәге яр буенда пляж волейболы буенча ачык турнир була
Гаризаларны бүген кичке алтыга кадәр бирергә мөмкин.
Скопировать ссылку
(Казан, 21 июнь, "Татар-информ"). Яр Чаллыда пляж волейболы буенча ачык турнир була. Бу турыда Татарстан Спорт министрлыгы матбугат хезмәте хәбәр итте.
22 һәм 23 июнь көннәрендә Габдулла Тукай исемендәге яр буе волейбол кырында пляж волейболы буенча ачык турнир узачак.
Турнирда өчәр кешедән торган «Микст» командасы (2 егет һәм 1 кыз) катнаша ала.
Гаризалар 21 июньдә кичке 18.00 сәгатькә кадәр кабул ителә.
Ярышлар көнендә 9:00-10:00 сәгатьтә теркәлү була, уеннар 10:00 сәгатьтә башлана.