Авыл 12 декабрь 2016 01:00

Чаллыда тере мал сату базары төзелә

Аны шәһәр мөхтәсибәте үз контролендә тотачак, чөнки тере мал сату базары янында барлык таләпләргә туры китереп, хәләл мал чалу урыны да салыначак.

Скопировать ссылку

(Чаллы, 12 декабрь, "Татар-информ", "Шәһри Чаллы") Татарстанның Чаллы шәһәренда тиздән элеккеге ит комбинаты янында мал-туар һәм кош-корт сату базары төзеләчәк. Аны шәһәр мөхтәсибәте үз контролендә тотачак, чөнки тере мал сату базары янында барлык таләпләргә туры китереп, хәләл мал чалу урыны да салыначак, дип хәбәр итә "Шәһри Чаллы" газетасы. Биредә Корбан бәйрәме вакытында гына түгел, теләгән вакытта килеп сатып алынган малларны, кош-кортны чалып бирәчәкләр.

Базар һәм мал чалу урыны өчен шәһәр һакимияте 19 гектар җир бүлеп биргән. Бүгенге көндә төзелеш башланачак мәйданга материаллар һәм вагон китерелеп куелган, эшләр исә язын башланачак һәм киләсе Корбан бәйрәменә аны ачу планлаштырыла.

#Чаллы #Шәһри Чаллы

Сәхифәләр

Чаллыда тере мал сату базары төзелә