Чаллыда шоссе велоспорты буенча беренчелеккә ярышлар башланды
Ярышлар трек программасы буенча биш йөз метрлы бердән ундүрткә кадәр боҗралы дистанцияләрдә уза.
Скопировать ссылку
(Казан, 13 май, “Татар-информ”). Бүген Чаллыда Җиңү кубогына шоссе велоспорты буенча шәһәр беренчелегенә ачык ярышлар башланды, дип хәбәр итә “Челнинские известия”.
Ярышлар трек программасы буенча биш йөз метрлы бердән ундүрткә кадәр боҗралы дистанцияләрдә уза.
Велоярышларда “Яр Чаллы” һәм “Виктория” балалар-яшүсмерләр спорт мәктәбе укучылары катнаша.
Нәтиҗәләр буенча, җиңүчеләргә шәһәр башкарма комитетының Физкультуры һәм спорт идарәсе грамоталары һәм дипломнары тапшырылачак.
- Шоссе велоспорты - каты өслекле юллар буенча шоссе велосипедларында ярыш, велоспортның бер төре. 1896 елдан башлап Олимпиада дисциплиналары исемлегенә кертелгән. Бу җәйге спорт төре, сезоны иртә яздан башлана, көз көне тәмамлана.
