Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда шикәр диабеты диагнозы куелган балалар саны арта
Балаларда шикәр чире стресс, кискен авырулар, гормональ үзгәрешләр һәм башка сәбәпләр белән күренмәскә мөмкин, дип кисәтә табиблар.
(Яр Чаллы, 16 октябрь, “Татар-информ”, “Шәһри Чаллы”). Хәзерге вакытта Чаллыда 145 бала эндокринологта исәптә тора, аларның 19ына шикәр диабеты диагнозы быел куелган. Табиблар әйтүенчә, бу куркыныч чир белән авыручы балалар саны арта, дип хәбәр итә "Шәһри Чаллы" газетасы.
Белгечләр фикеренчә, әлеге чирнең төп сәбәбе – генетик һәм аутоиммун яктан йомшаклык. Андый балаларда шикәр чире стресс, кискен авырулар, гормональ үзгәрешләр һәм башка сәбәпләр белән күренмәскә мөмкин.
Табиблар төшенкелеккә бирелмәскә өнди. “Диабет хөкем түгел, ә яшәү рәвеше”, – диләр алар. Балаларга һәм аларның ата-аналарына медицина ярдәме күрсәтү максатыннан, 1999 елдан башлап шәһәрдә шикәр диабеты мәктәбе эшли. Аны табиб-балалар эндокринологы Роза Сәлимуллина алып бара. Ул балаларның тукландыруны планлаштырырга, кандагы глюкоза дәрәҗәсен һәм инсулин терапиясын контрольда тотарга өйрәтә, диелә язмада.
Кызыклы яңалыкларны күзәтеп бару өчен Телеграм-каналга язылыгыз